Братот на принцезата Дајана, Чарлс Спенсер (60) неодамна објави дека се разведува со сопругата Карен. Инаку, ова е трет развод на Чарлс. Двајцата се во брак од 2011 година и ја имаат 12-годишната ќерка Шарлот Дијана.

Чарлс изјави дека е „многу тажен“ поради разводот, но според последните фотогграфии кои се појавија во јавноста, се чини дека не страда многу.

Имено, папараците го фотографираа Чарлс со водителката Кет Џарман како оди на состанок, во театар во Лондон. Двајцата се смееја и разговараа, но иако немаше бакнеж, папараците успеаја да „уловат“ неколку нежни допири кои си ги размениле во јавност, пишува „Дејли мејл“.

Засега не е познато дали Чарлс и Кет се официјално во врска или само се дружат, но британските медиуми веќе пишуваат дека „на повидок е четврти брак“.

Инаку, бракот на Чарлс и Карен се распаднал додека тој ги пишувал своите мемоари, во кои открил дека невиноста ја изгубил од проститутка кога имал 12 години. Тој кажа и дека претрпел сексуално и физичко малтретирање на училиште од медицинска сестра.

„Она што ми го направи остави длабока и неизбришлива трага, во мене разбуди желби на кои нема место кај толку младо момче. Оваа жена имаше целосна контрола над хипнотизираното момче, бевме гладни за женска топлина и очајно ја баравме нејзината љубов” , напишал тој во мемоарите.

Пет години ги пишувал мемоарите „Многу приватно училиште“ и тоа толку многу го погодило што минатата година побарал помош за неговата траума. Во март, тој им откри на „Пипл“дека Карен му била поддршка во текот на неговото исцелувачко патување додека се сеќавал на трауматични детали од неговото детство.

ФОТО | „Шарлот е нејзина копија“: Братот на принцезата Дијана сподели досега невидена фотографија од нивното детство