Супермоделот Бела Хадид (24) ги остави сите без здив кога во неделата се појави на црвениот тепих на Канскиот филмски фестивал во креација на модната куќа „Скјапарели“! Чудесно, оригинално, феноменално!

Фустанот е од колекцијата есен/зима на дизајнерот Даниел Розбери, со долги ракави и длабоко деколте кој, доколку го немаше ѓерданот, ќе ги откриеше градите. Но, каква е оваа моќна камуфлажа! Каква симболика во годината на коронавирусот, зарем не? Фустанoт ги откривал голите гради, па било неопходно да се „покријат“, а стилистите на Бела пронашле интересен начин за тоа.

Фустанот имал една цел: да го покрие згодното тело на манекенката, со цел вниманието да се насочи кон единствениот отворен дел на кој почивал масивниот ѓердан. Бела носела златен ѓердан исто така со потпис на модната куќа „Скјапарели“ во облик на разгрането дрво, со што нејзините гради биле покриени.

Инаку, овој ѓердан е инспириран од човечките бели дробови, а го дизајнирал Даниел Розбери. Освен што носела толку импресивен ѓердан, Бела имала и обетки и прстен од црвени дијаманти, иако во овој случај може да се каже дека тие се одвишни.

Бела самоуверено и елегантно чекорела по црвениот тепих, трпеливо позирајќи пред фотографите. Убавицата доминирала на црвениот тепих, а за ѓерданот „Златни бели дробови“ пишуваат сите светски медиуми.

Минатата недела, пак, Бела се појави на црвениот тепих во Кан во тоалета во стилот на стариот холивудски гламур – бел фустан на францускиот моден креатор Жан-Пол Готје со долг црн шлеп и шал околу вратот. Бела Хадид пред себе имала тешка задача – оваа година да ги надмине некои од нејзините најзначајни изданија на Канскиот филмски фестивал. А, тоа не е лесно.

ФОТО | Мода во време на корона: Ѕвездите на црвениот тепих во Кан