Доделувањето на Оскарите е завршена приказна, но сепак, за одредени детали сè уште се зборува на социјалните мрежи. Па така и Мег Рајан дојде на ред.

Актерката се појави во улога на презентерка која ја додели статуетката за најдобар филм на церемонијата, поточно му го врачи Оскарот на Шон Бејкер за филмот „Анора“.

Честа да го води овој дел од програмата му припадна и на актерот Били Кристал, со кого Мег соработуваше во романтичната комедија „Кога Хари ја запозна Сали“ од 1989 година.

Покрај гардеробата, големо внимание на јавноста привлече и лицето на актерката за кое многумина тврдат дека е непрепознатливо.

„Били Кристал и … Мег Рајан? Не можам да ја препознаам“, „Ги гледам Мег Рајан и Били Кристал. Изгледа нормално за неговата возраст – одлично. Но, Мег изгледа како сите процедури на нејзиното лице да тргнале наопаку. Многу тажно“, „Мег Рајан е пример зошто не треба да допираш убаво лице кога ќе остариш природно“, беа само дел од коментарите на социјалните мрежи.

Мег за оваа пригода носеше атрактивен бордо кадифен фустан, кој го искомбинирала со високи потпетици.