Финалето во Купот на Македонија ќе се игра на Националната арена „Тодор Проески“ во Скопје, вака одлучи Управниот одбор на Фудбалската федерација на Македонија (ФФМ).

Екипите на Вардар и Струга Трим Љум на 21 мај со почеток од 20.00 часот ќе играат за пехарот.

Во полуфиналната фаза Вардар успеа со вкупни 4:1 да го елиминира составот на Брера Струмица, додека Струга (3:2) излезе како победникот во двомечот против Шкендија.

Вардар е на врвот на вечната листа со пет освоени куп титули, а Струга по вторпат ќе игра финале во ова клупско натпреварување.

Скопските „црвено-црни“ последен пат го кренаат трофејот во 2007 година, додека Струга пред две години загуби во финалниот меч од Македонија ЃП.