Филипче: Од голема важност за здравството е поддршката што ја добиваме од Италијанската Република

Министерот за здравство д-р Венко Филипче и амбасадор на Италијанската Република во Република Северна Македонија, н.е. Андреа Силвестри остварија средба на која  разменија ноти во врска со Договорот од 2006 година меѓу Италијанската Република и Република Северна Македонија во врска со „Програмата за рационализација на здравствениот систем и за модернизација на биомедицинска опрема”. Со ова ќе се овозможи Министерството за здравство да го искористи преостанатиот износ од расположливото финансирање (над 1,1 милион евра) за набавка на медицинска опрема за болниците во нашата земја.

-Ова е конкретен и важен знак на солидарност од страна на Италија, во време кога македонскиот здравствен систем е под голем притисок поради епидемијата предизвикана од Ковид-19, истакна амбасадорот Силвестри.
Министерот Филипче ја потврди важноста на италијанската поддршка за Република Северна Македонија, вклучително и во областа на здравството.
-Италија е еден од основачите на Ковакс механизмот и еден од главните кои продонесуваат во ЕУ, од каде добивме суштинска поддршка за справување со економските и социјалните последици од пандемијата како и поддршка за набавка на вакцини – истакна министерот на средбата.  

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот