Фудбалската федерација на Македонија утрово потврди дека против екипата на Пелистер е отворена Дисциплинска постапка поради однесувањето на навивачите во последниот натпревар од третото коло во ПМФЛ.

Пелистер вчера го совлада Шкупи со 2-0 и така го забележа вториот триумф во низа по поразот од Вардар во првото коло, но сега веројатно го чека одредена санкција од Дисциплинската комисисја на Фудбалската федерација на Македонија.

„По пријава на делегатот на натпреварот ФК Пелистер – ФК Шкупи, Комисијата за натпревари во рамки на ФФМ го предаде ФК Пелистер на понатамошна постапка во Дисциплинската комисија. Пријавата се однесува поради навредливо скандирање на дел од навивачите на натпреварот Пелистер – Шкупи, одигран во рамки на 3. коло од Прва МФЛ“, објави ФФМ.

ВИДЕО: Шкупи не издржа во Кавадарци, Пелистер и Башкими врзаа по две победи