Танцувањето на фановите на концертите на Тејлор Свифт во рамките на турнејата „Ерас“ во Лумен Филд во Сиетл на 22 и 23 јули предизвикаа сеизмичка активност еквивалентна на земјотрес со јачина од 2,3 степени.

Како што објави „Си-ен-ен“, локален сеизмометар открил активност предизвикана од посетителите на концертот.

„Свифт земјотресот“ бил сличен на оној од 2011 година, кога навивачите на „Сиетл Сихокс“ еруптираа по импресивниот тачдаун на натпреварот. Прославата што следеше беше откриена на истиот локален сеизмометар како и концертот на Свифт, изјави за „Си-ен-ен“ Каплан-Ауербах, професор по геологија на Универзитетот Западен Вашингтон.

Клои Мелас од „Си-ен-ен“ , која присуствувала на еден од концертите на Свифт во Сиетл, ги сподели своите забелешки и искуство од концерто. „Концертот на Тејлор во Сиетл не наликуваше на ништо што некогаш сум го доживеала“, рече таа. „Буквално можевте да почувствувате како земјата се тресе под вашите нозе. Моите уши сè уште ѕвонат“.

Дури и самата Свифт ја почувствува енергијата од нејзините фанови од Западниот брег и се заблагодари на својата публика во Сиетл преку објава на Инстаграм во понеделникот за „сето навивање, врескање, скокање, танцување и пеење на врвот на вашите бели дробови“.

„Тоа беше навистина еден од моите омилени викенди досега“, додаде таа.

Свифт ги распродаде двете вечери во Сиетл, со 72.171 фанови кои присуствуваа на нејзиното второ шоу, соборувајќи го рекордот на стадионот од 70.000 поставен од „Ју ту“ во 2011 година.