Евролига: Партизан се врати „минус 15“ и славеше против Олимпија Милано за трета победа во низа
АБА-шампионот Партизан стигна до третата победа во низа и четврта во последните пет натпревари во Евролигата. Вечерва црно-белите беа подобри од Олимпија Милано со 82:69.
Конечниот исход е големо изненадување ако се знае дека скоро три четвртини италијанскиот тим доминираше и го полнеше кошот на српскиот гигант. Функционираше и шутот од далечина на Олимпија, па така на четири минути пред крајот на третата четвртина Италијанците водеа со 15 разлика (45:60).
Во тие моменти како Партизан да се разбуди и до крајот на четвртината со 16:2 целосно се врати во игра (61:62). Одличната игра ја продолжи и во последниот период, па така улогите на паркетот комплетно се сменија и Олимпија Милано немаше никакви шанси.
Најефикасен беше Кевин Пантер со 19 побени, Бруно Кабокло додаде 16, а Зек Ледеј 15 поени. Во редовите на италијанскиот тим Шевон Шилдс ја заврши средбата со 19 поени.
На преостанатите два натпревари, Анадолу Ефес славеше во Берлин против Алба со 89:97, додека Реал Мадрид успеа да слави на гости во Грција кај Панатинаикос со 78:90.