ЕВРО 2020 I Васоски: Натпреварот со Австрија ќе биде клучен
Фудбалската репрезентација на Македонија, но и целата македонска јавност веќе ги одвојуваат последните денови од историскиот настап на фудбалерите на Европското првенство.
Израниците на селекторот Игор Ангеловски во недела на 13 јуни на Националниот стадион во Букурешт ќе го имаат дебитанскиот настап на ЕП против Австрија.
Очекувањата на целата македонска нација се големи, исто и на фудбалерите и селекторот кои конечно го реализираа 30-годишниот сон, Македонија да биде учесник на големо наптреварување.
На стартот од групата Ц, Македонија ќе игра против Австрија, потоа на 17 јули противник на фудбалерите ќе им биде Украина додека во третото коло фудбалерите ќе играат против Холандија.
Според поранешниот македонски репрезентативец, Александар Васоски, кој минатата сезона седеше на клупата на Академија Пандев, првиот натпревар против Австрија е најважен за фудбалерите.
Препорачано
– По самите изјави и на фудбалерите и на селекторот видовме дека целите се високи и тие се да се помине групната фаза. Сите сме свесни дека по победата над Германија (1:2) во квалификациите за СП 2022, сега не гледаат со други очи. Ќе биде тешко, но ништо не е невозможно. Мислам дека клучен ќе биде првиот натпревар против Австрија. Во квалификациите не победија, но на подготовките не играа толку добро и мислам дека имаме добри шанси. Според мене, целта на првиот натпревар е да не се загуби – вели Васоски кој има 34 настапи за националниот тим и кој смета дека еуфоријата е неизбежна во вакви моменти.
– Нема што да загубиме. Иако според мене е контрапродуктивно, не може да нема еуфорија, посебно кај самите фудбалери. Но, тие се големи профеионалци и тоа можат да го скријат и да се сконцентрираат на натреварите бидејќи можеме многу да добиеме со самиот пласман во наредната фаза.
Поранешниот стратег на Вардар кој минатата година им ја донесе шампионската титула на „црвено-црните“, тактиката на селекторот Ангеловски е исправна, кога станува збор за одбраната.
– Можеби во минатото сме имале дефанзивци кои играле во топ 5 лигите, или имиња како Седловски, Новески… Сметам дека овој систем на селекторот е правилен, да играме со два офанзивни бекови, Алиоски и Ристовски и тројца во одбрана.
Барди: Едвај чекам да почне ЕП, не дојдовме тука да бидеме аутсајдери
ФОТО: Првиот тренинг на македонската репрезентација во Букурешт
