После жрепката за групите на следниот Мундијал, светските обложувалници излегоа и со првите квоти за тоа кои репрезентации имаат најголеми шанси да стигнат до титулата.

Според „Скај бет“, селекцијата на Бразил (9/2) се одвојува како прв фаворит за освојување на трофејот на Светското првенство кое ќе се одржи во Катар од 21 ноември до 18 декември 2022 година.

Следува Франција, бранителот на титулата, на второто место (5/1), пред Англија на третата позиција (11/2).

Четврти фаворити се Шпанците (8/1), а зад нив се Аргентинците на петтото место (9/1).

Првата „десетка“ ја комплетираат Германија (11/1), Белгија (12/1), Холандија (12/1), Португалија (12/1) и Данска (33/1).