Американската актерка Ева Лонгорија, изјавила дека одлуката да почне да се занимава со работа од јавен карактер, ја донела откако речиси цело детство се чувствувала како грдо пајче. Иако многумина ја вбројуваат во најубавите жени на светот, вели дека кога била мала не била убава за разлика од нејзините 3 сестри.

„Во семејството бев грдо пајче. Постојат докази за тоа. Моите 3 сестри личат една на друга. Сите се русокоси. Знаев дека нема да бидам убава па одлучив да бидам паметна и духовита“, изјавила актерката пренесува „Дејли Мејл“.

Ева пораснала на имот во Тексас, таа открила дека речиси секое утро со семејството молзела крави и собирала јајца. Завршила кинезологија, а своето школување делумно го финансирала така што се натпреварувала на избор за убавина.

Токму овие избори ја однеле во Холивуд.

„Стигнав во Холивуд и не знам што се случи. Само помислив: Мислам дека ќе станам актерка“, изјавила Ева.

Популарноста ја стекнала благодарение на серијата „Очајни домаќинки“ која се емитуваше 8 сезони, од 2004 до 2012 година.