Одличен старт имаше ракометниот клуб Еурофарм Пелистер во премиерниот натпревар од Лигата на шампионите за млади (М18).

Првиот младински македонски тим во ова натпреварување во Букурешт, Романија, во полуфиналето од квалификацискиот турнир од групата 4 убедливо со 37:29 го совлада Киелце од Полска.

После првото полувреме битолската екипа имаше двоцифрена позитива од 22:11 во Динамо Арената.

Прв стрелец во редовите на Еурофарм Пелистер беше Алем Хаџиќ со 14 голови, седум запиша Карло Буторац, а пет Леонид Лозановски.

Противник на Еурофарм Пелистер во финалето ќе биде Висла Плоцк или Динамо Букурешт за пласман на младинскиот завршен турнир во Келн, Германија.