Maкедонскиот ракометен шампион Еурофарм Пелистер со пораз од Ал Ахли го стартуваше турнирот во „Добој“.

Пелистерци беа немоќни против египетскиот тим и загубија со убедливи 34:23. Победата на Ал Ахли беше најавена уште во првото полувреме, а на паузата македонскиот претставник имаше негатива од 15:11.

Во групната фаза на најстариот ракометен турнир на овие простори, Еурофарм Пелистер ќе игра уште со Монпелје од Франција и домашниот тим Слога Добој.

Веќе утре Еурофарм Пелистер го очекува вториот натпревар на турнирот и тоа противн Слога Добој, дуелот е закажан за 15:30 часот.