фото: kfsm.mk

Еуро Никел е новиот лидер во Првата македонска кошаркарска лига

Кошаркарите на Еуро Никел од Кавадарци славеа против Пелистер по продолжението од пет минути (83:81), за ист број на бодови со МЗТ Скопје Аеродром, и подобра кош-разлика во Првата македонска лига.

По првата четвртина гостите водеа со 24:19, во втората иако стигнаа и до „плус осум“ од 33:25, на паузата замина со позитива со само 35:33.

Еуро Никел стартуваше фуриозно во третиот период, имаше највисоки 58:45. Тоа не ги исплаши домаќините бидејќи во последните 10 минути постепено ја топеа негативата, во финишот дури и дојдоа до израмнување на 70:70.

Имаше уште 49 секунди до крајот на средбата, прво Дубински, потоа и Магдевски, изменија по два поени, за нов егал (72:72). Американскиот бек Мексвејн од редовите на имаше шут за победа, но не го погоди, па мораше да се одиграат дополнителни пет минути.

Во нив, Пелистер имаше водство од (81:78), но и тоа не им беше доволно. Затоа што во ние 80 секунди до крајот, Еуро Никел 2005, преку двоецот Дубински-Врањеш, го свете резултатот (83:81), а го одбрани и последниот напад, во кој Костоски со звукот на сирената. не успеа да погоди за три, односно за победа.

За Еуро Никел најефикасен беше Дубински со 22 поени, следен од Врањеш кој запиша 18. На спротивната страна за битолската екипа „дабл-дабл“ имаше Планиниќ со 25 поени и 10 скокови.

ПРВА ЛИГА-МАЖИ

РЕЗУЛТАТИ И ДВОЈКИ 15 КОЛО

Пелистер – Еуро Никел 2005 81:83
МЗТ Скопје Аеродром – Работнички 91:95
Навико Академија ФМП – ТФТ Моцарт 62:90

27 ЈАНУАРИ (САБОТА)

17.00: Вардар – Чаир 2030
17.00: Кожув – Феникс 2010
17.00: Гостивар – Охрид

ТАБЕЛА: Еуро Никел 2005 27 бодови, МЗТ Скопје Аеродром 27, Работнички 26, Пелистер 25, ТФТ Моцарт 24, Чаир 2030 23, Феникс 2010 22, Гостивар 18, Навико Академија ФМП 18, Кожув 17, Охрид 17, Вардар 17.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот