Со доаѓањето на есента, доаѓаат и тие – смрдливките, кои влегуваат во нашите домови, на тераси, лазат по ѕидовите, по облеката, одат по прозорци, се удираат во ламби и шират непријатен мирис.

Тие се инсекти кои се познати по својот изглед како да носат штит на грбот, по својот гласен лет и секако – мирисот што го испуштаат кога се загрозени. Оттука и името – смрдливки.

Што е смрдливките и како да се ослободите од нив?

Смрдливката (Halyomorpha halys) се појавува сè почесто во нашите домови, особено на есен. Тоа е инвазивен вид инсект кој нема природни непријатели. Се храни со овошје и зеленчук, но не може да им наштети на луѓето или животните. Не боцка, не каса и не пренесува болести.

Најголемиот проблем е што масовно влегува во куќите и становите, барајќи топло и суво место за хибернација.

Зошто се нарекуваат смрдливки?

Овие инсекти имаат мирисни жлезди што ги користат како одбрана. Кога ги вознемирувате, тие испуштаат интензивен мирис опишан како мешавина од бадеми и коријандер. Иако не е отровен, аромата може да се задржи во просторијата со часови.

Што ги привлекува смрдливките во куќата?

Тие сакаат топлина и светлина. Најчесто влегуваат во домови, тавани, шупи или пукнатини на ѕидовите на есен. Остануваат таму до пролет, криејќи се во суви и топли подрачја.

Како да го спречите влегувањето на смрдливките?

Проверете и затворете ги пукнатините на прозорците, вратите и ѕидовите.
Поправете ги оштетените мрежи на прозорците.
Исклучете го или затемнете го надворешното осветлување – особено ламбите што привлекуваат инсекти.
Користете топли жолти светилки наместо ладни бели.

Како да се ослободите од смрдливките во куќата?

Ако ги најдете во стан или куќа:

Не ги гмечете бидејќи ќе испуштат непријатен мирис.
Фатете ги во марамче или сад и изнесете ги надвор.
Можете да користите правосмукалка, но имајте предвид дека мирисот останува во кесата.
Смрдливките се одбиваат од мирисите на цитрус, нане, лук и каранфилче – користете есенцијални масла или кора.

Смрдливката е непријатен гостин, но е безопасна. Доколку се појави во вашиот дом, најдобро е да реагирате смирено и да ја отстраните хумано. Превенцијата е клучна – затворените пукнатини и намаленото осветлување можат да ве заштитат од нивното „вселување“ на есен.