ЕП 2022: Македонија ќе биде во групата „Ц“, жрепката на 28 април во Љубљана
Следното Европско првенство во женска сениорска конкуренција ќе се одржи годинава од 4 до 20 ноември во три земји: Словенија, Црна Гора и Македонија кои се директно квалификувани покрај актуелниот шампион Норвешка.
Препорачано
Како што најави Европската ракометна федерација (ЕХФ), во Љубљана, Словенија, на 28 април со жрепка (17.00 часот) ќе се дознаат сите четири групи.
Целата процедура околу жрепката може да ја погледнете на следниот линк ТУКА
Љубљана и Целје ќе ги организираат натпреварите во групите „А“ и „Б“, потоа во Скопје ќе игра нашата селекција во групата „Ц“, а мечевите од групата „Д“ во Подгорица.
Во Скопје ќе се игра една група од прелиминарната рунда и една група од главната рунда.
1 шешир: Норвешка, три првопласирани репрезентации од квалификациите
2 шешир: Црна Гора, три првопласирани репрезентации од квалификациите
3 шешир: Македонија, Словенија, две второпласирани репрезентации од квалификациите
4 шешир: Четири второпласирани репрезентации од квалификациите
Наскоро треба да завршат квалификациите за ЕП 2022, а преку кои досега пласман на континенталниот собир обезбедија репрезентациите на Холандија, Полска, Данска, Швајцарија и Франција.
