Остануваат уште седум кола до крајот на сезоната во најсилното италијанско првенство, се води голема борба за шампионската титула.

На врвот моментно е Милан со 67 бодови, еден повеќе од Наполи на македонскиот репрезентативец Елиф Елмас, а третопласиран е Интер со 63 од 30 мечеви.

Досега сезонава нашиот играч во Серија А има 31 настап и три постигнати голови во победите против Аталанта, Милан и Венеција.

Во интервјуто за „Радио Кис Кис“, нашиот фудбалски „дијамант“ кажа дека неговиот тим посакува на крајот да дојде до Скудетото.

– Ја сакаме титулата, веруваме дека можеме да го направиме тоа. Имаме голема енергија, секогаш сме подготвени и концентрирани за секој натпревар – се зборовите на Елмас.