Барселона и Реал Мадрид вечерва во Саудиска Арабија ќе се борат за првиот трофеј во 2025 година и тоа во шпанскиот Суперкуп.

Каталонскиот гигант го исфрли Атлетик Билбао во полуфиналето со 2:0, додека Реал Мадрид беше подобар од Мајорка со 3:0.

„Кралевите“ во Џеда сакаат одмазда за поразот во првенството кога екипата на Ханси Флик среде Мадрид ги совлада со 4:0.

Барселона во тој период играше во подобра форма и беше лидер на табелата, меѓутоа сега се дури трети со 38 бода, Реал има 43, а Атлетико 41 бод и натпревар помалку.

Според тоа избраниците на Анчелоти го дочекуваат натпреварот во нешто подобра форма, меѓутоа тоа не мора ништо да значи кога двата најголеми шпански клуба играат еден против друг.