Пожар избувна рано утринава, што предизвика експлозија на три резервоари со нафта во Абу Даби, потврди локалната полиција.

Мал пожар избувнал и во новата зграда на меѓународниот аеродром во Абу Даби.

Првичната истрага упатува дека причина за пожарот биле мали летечки предмети, кои најверојатно припаѓале на дронови, кои паднале во две области, јавува државната новинска агенција ВАМ.

Властите започнаа опсежна истрага за причините за пожарот и околностите околу него. Сепак, засега нема извештаи за голема штета предизвикана од овие два инцидента.

Јеменските бунтовници, Хутите, предводени од коалицијата на Саудиска Арабија, ја презедоа одговорноста за нападот во индустриската зона во близина на магацинот на нафтената компанија „АДНОЦ“, како и дека избувнал пожар на градилиштето на меѓународниот аеродром во Абу Даби. .