Ако сте од оние кои дома немаат машина за сушење алишта, веројатно уште сега ви е мачно кога ќе помислите на студеното време што доаѓа и акцијата на сушење алишта во затворен простор. Секако дека е полесно и побрзо да се исушат свежо испраните алишта надвор, а и сонцето притоа многу помага. За среќа, постојат повеќе или помалку успешни трикови за да го решите тој проблем и да си го олесните животот, а една експертка за организација и чистење открила совет кој значително го скратува времето на сушење алишта во затворен простор.

Никола Луис објаснила дека во машините за перење постои „тоа нешто“ што може значително да го забрза сушењето на алиштата. Во видеото на Инстаграм (нејзиното корисничко име е „thisgirlcanorganise“) таа сподели корисен трик за машината за перење и побрзото сушење алишта, кое накратко гласи вака: двапати користете ја програмата „Drum/Spin“.

Нејзиниот слоган „Двојна центрифуга за победа“ брзо стана популарна меѓу нејзината бројна публика.

Во описот на видеото, таа напишала: „Вашите алишта ќе станат многу посуви, што ќе им овозможи побрзо да се исушат. Секогаш добро протресувајте ја облеката пред да ја „обесите“ за да ги отстраните сите набори“.

Никола продолжила велејќи дека следниот чекор е да го вклучите одвлажнувачот.

– Одвлажнувачот ќе ја извлече влагата од воздухот и побрзо ќе ја исуши вашата облека – рекла таа и додала дека мора да се погрижите да ја распоредите облеката на сушарата и да ја свртите неколкупати.

– Ако немате одвлажнувач, отворете го прозорецот и ставете ја сушарата во близина на природна светлина. Исто така, вклучете го вентилаторот за да циркулира ладен воздух за да ви помогне облеката да се исуши побрзо и да спречи создавање мувла. Може да се користи секој вентилатор и е многу поевтин отколку да се вклучи греењето – продолжила Никола.

Исто така, може да биде корисно да ја ставите облеката на закачалка пред да ја закачите на сушарата – ова помага да се „забрза процесот на сушење“.