Дали знаевте дека складирањето на одредени предмети во кујната, како што е даската за сечење, кои веќе се истрошени може да биде опасно?

Според зборовите на експертот за храна Адам Џејмс Полок, пластичните даски за сечење треба да ги фрлите веднаш штом ќе почнат да изгледаат истрошено. На социјалната мрежа Икс, Полок ги потсетил корисниците да ги фрлаат пластичните даски за сечење кои покажуваат знаци на абење.

На својот профил претставил фотографија од црвена пластична даска која, поради бројните траги од сечењето, речиси побелела.

Friendly reminder: if your chopping board looks like this, please throw it away immediately pic.twitter.com/e8DZoWUyJ1

— Adam James Pollock (@aIIegoricaI) December 27, 2024

Покрај фотографијата напишал: „Ако вашата даска за сечење изгледа вака, веднаш фрлете ја“.

Во својата книга „Одржување“ (Sustenance), Полок наведува причини зошто секогаш ги препорачува дрвените даски за сечење, истакнувајќи дека тие се подобри за здравјето и за острината на ножевите. Повикувајќи се на различни студии, тој презентирал аргументи против пластичните даска, пренесува британски „Експрес“.

Истражувањата покажале дека бактериите како салмонела и листерија имаат поголеми шанси да преживеат и да се размножуваат во пластичните даски, особено преку ноќ. Од друга страна, истите бактерии се апсорбираат и убиваат за неколку минути на дрвените даски.

Покрај тоа, резовите на пластичните плочи ослободуваат микропластика што може да заврши во вашата храна. Неодамнешните истражувања покажаа дека сечењето состојки како зеленчук на полиетиленски или полипропиленски даски ослободува микропластика што се лепи за храната, вклучувајќи месо и зеленчук.

Исто така, пластичните табли можат побрзо да ги затупат ножевите бидејќи сечилата го губат квалитетот кога се тријат со пластиката.

Ако сè уште користите пластични даски за сечење, можеби е време да ги замените со дрвени.