Редовното одржување на здравјето на очите е од суштинско значење за зачувување на видот и спречување на болести на очите. Секојдневната нега, офталмолошките прегледи и избегнувањето на долгорочно гледање на екраните може значително да придонесат за долгорочното добро на видот. Но, вообичаената навика која повеќето од нас ја практикува може негативно да влијае на здравјето на нашите очи, предупредува офталмохирургот д-р Марк Вилкинс, пишува „Дејли експрес“.

Според д-р Вилкинс, честото триење на очите може да доведе до инфекции, воспаленија, па дури и до долгорочно оштетување на видот.

„Сите ние сме виновни што одвреме-навреме ги триеме очите и додека рацете ви се чисти, што не е често, па нема да наидете на никакви проблеми. Меѓутоа, ако ви стане навика, вашите очи би можеле да бидете изложени на ризик од инфекција или дури и долгорочно оштетување на видот“, изјавил тој.

Ако страдаме од сезонски алергии или чувствуваме парчиња нечистотија во очите, поголема е веројатноста да ги триеме.

„Состојбите како што е суво око, исто така, може да ве натераат да сакате да ги триете очите поради чешање. Друг пример е блефаритис – очна болест која се карактеризира со воспаление на очните капаци. Во овој случај, очните капаци се иритирани и црвени и се формираат лушпи кои изгледаат како првут што паѓаат во окото и го иритираат“, објаснил тој.

Тој додава дека триењето на очите во секое сценарио дава олеснување со привремено стимулирање на производството на солзи. Но, можеби не сме свесни за штетата што оваа навика може да им ја направи на нашите очи. Д-р Вилкинс предупредува дека честото триење на очите со преголем притисок може да доведе и до оштетување на рожницата.

„Постојат силни докази дека триењето на очите придонесува за развој и прогресија на сериозна состојба на рожницата позната како кератоконус. Пациентите со кератоконус може да развијат астигматизам за кој се потребни очила или контактни леќи за да се поправи видот. Состојбата може да се запре, но не и да се врати назад“, потенцирал тој.

„Краткорочно, триењето на очите дозволува секоја бактерија на рацете да влезе во очите. Тоа може да доведе до конјунктивитис. Вирусен или бактериски конјунктивитис може да се манифестира како ‘розово око’ и да предизвика воспаление и болка”, додал хирургот.

За да ја прекинете оваа навика, д-р Вилкинс заклучува: „Капките за очи се добар почеток, тие можат да се користат за лекување на суви и уморни очи, како и за миење на сите туѓи тела. Тие исто така можат да бидат ефективни како антиалергични. Сепак, најдобриот совет е редовно да посетувате офталолог, тој ќе може да ви каже каква штета предизвикувате, но и да дојдете до причината за проблемот.“