Кавадаречкиот клуб не успеа преку баражот, односно на стадионот во Ѓорче Петров со резултат 3:2 беше совладан од Силекс кој пак остана во елитата.

И по 18 години Кавадарци ќе нема прволигаш, но затоа нова шанса Тиквеш ќе има во наредната сезона, а дознаваме дека е можно на тој пат се засилат со поранешен македонски репрезентативец.

Своевремено еден од столбовите во нашиот национален тим, Ванче Шиков (33) вели дека е блиску да се пресели во тимот на Тиквеш.

– Значи, блиску сум до трансфер во редовите на фудбалскиот клуб Тиквеш. Само сè ќе се дефинира после 20 јуни – кратко ни изјави Шиков.

Одбранбениот играч ја започна кариерата токму во Тиквеш, потоа ги бранеше боите на Ксанти, Победа, Олимпијакос, Керкира, Аполон, Етникос Ахна, Волин, Австрија Виена, Нефчи Баку, Работнички, Тобол, а последен клуб лани му беше Академија Пандев.