Најдобрите македонски борачи во Истанбул, Турција, ќе се обидат да обезбедат учество на Летните олимписки игри кои ќе се организираат од 26 јули до 11 август 2024 година во Париз.

Владимир Егоров во категоријата 57 кг. во првото коло од квалификациите на Светскиот олимписки квалификациски турнир во Истанбул триумфираше со 6:2 Мејиас Родригез од Венецуела. Противник на Егоров во осминафиналето ќе биде Томас Еп од Швајцарија.

Победа забележа и Магомедгаџи Нуров (категорија 97 кг.) во првото коло од квалификациите со 5:1 го совлада Деепак Нехра од Индија. Ривал на Нуров во осминафиналната фаза ќе биде Ерик Тиеле од Германија.

Без борба во осминафиналето се пласираше и Ахмад Магомедов (категорија 86 кг.) откако поради повреда се откажа противникот од Бахреин, Магомед Шарипов.

Во категоријата 65 кг. Бесир Алили загуби со 11:0 во квалификациите од Ахмет Дуран (Турција). Во женска конкуренција Веронија Рјабоволова (53 кг.) најпрвин запиша победа во првото коло од квалификациите со 5:0 над Фабиана Ринела од Италија, па беше поразена во осминафиналето од Лаура Хенин Авила од Куба.

Марија Цветанова, која е најмлада учесничка од нашата селекција, се бореше во категоријата до 57 кг. и во првото квалификациско коло загуби од Швеѓанката Евелина Хултен (10:0).