Едногодишно девојче од Шпанија e првото во светот кое успешно ја поднесе трансплантацијата на цревата од донор кој починал од срцева слабост, соопшти денеска мадридската болница „Ла Паз“.

Покрај цревата, бебето Ема доби и нов црн дроб, желудник, слезина и панкреас, а потоа беше отпуштена во совршена состојба и сега е дома со своите родители, пренесува „Ројтерс“.

Се напоменува дека на детето му била дијагностицирана цревна инсуфициенција кога имало само еден месец, бидејќи цревата му биле премногу кратки, а неговото здравје брзо се влошувало сѐ додека не добило мултивисцерална трансплантација.