Американката Елизабет Карузо ја подгинала добивката од милион долари, освоена на лотаријата „Пауербол“ пред речиси една година, односно само три недели пред истекот на рокот на добитното ливче, објави „Њујорк пост“.

Според правилата на Државната комисија за лотарија на Масачусетс, каде што Карузо го купила својето лото ливче, добитниците на лотаријата „Пауербол“ имаат рок од една година од датумот на извлекувањето да ги подигнат своите награди, а ако не го сторат тоа, парите стануваат дел од нето добивката во таа држава каде службениците на лотаријата ја враќаат во дистрибуција во 351 град и област во таа сојузна држава.

Карузо го купила својот билет на 21 август 2023 година во продавницата „Метро минимарт“ во Ватертаун, Масачусетс, а ја побарала својата награда во седиштето на Државната лотарија на Масачусетс во Дорчестер. Инаку, бонус од 10.000 долари за продажба на лото ливчиња ќе добие и продавницата „Метро минимарт“.

Лотаријата во Масачусетс генерирала повеќе од 155 милијарди долари приход од своето основање во 1972 година, според веб-страницата на организацијата.