Едно лице загина во тешката сообраќајна несреќа што се случи вечерва во 19:45 часот на патот Гевгелија-Богданци. Во сообраќајката учествувале четири патнички возила, соопшти портпаролката на СВР Струмица, Алекснадра Трајанова.

-Во Полициската станица Гевгелија е пријавено дека на регионалниот пат Гевгелија – Богданци се случила сообраќајна несреќа во која учествувале четири патнички возила, две од марката мерцедес, опел корса и хјундаи. Во несреќата на самото место починал возач на едно од возилата. Увид на местото врши јавен обвинител и екипа на Пплициската станица Гевгелија – изјави Трајанова.

Според известувањето од Регионалниот центар на ЦУК-Струмица, патот е затворен, а сообраќајот се пренасочува преку селото Богородица.

Противпожарната единица Гевгелија е излезена на местото на несреќата со едно противпожарно возило и тројца пожарникари.