Актерот Мајкл Медсен (66) и неговата сопруга Деана Медсен се разведуваат по 28 години брак. Во документите за развод тој ги наведе „непомирливите разлики“ како причина за разводот. Дополнително, тој откри дека тој и Деана се разделиле по трагичната смрт на нивниот син Хадсон во јануари 2022 година.

Актерот ја обвинува сопругата за трагичната загуба, пренесува „Пејџ сикс“. Тој тврди дека занемарувањето на семејството од страна на Деана, зависноста од алкохол и неодговорното однесување придонеле Хадсон да умре на 26-годишна возраст.

Медсен го опиша бракот како токсична и насилна врска, за која рече дека кулминирала со неговото „погрешно апсење“.

Актерот беше приведен под обвинение за семејно насилство откако Деана рече дека ја турнал за време на расправија. Набргу потоа плати кауција од 20.000 долари, а случајот подоцна беше отфрлен поради недостиг на докази.

Неговиот адвокат Пери Вондер изјави дека актерот веќе некое време планирал да поднесе барање за развод, но чекал нивниот син Лук да наполни 18 години во октомври минатата година.

Инаку, синот на актероти и Деана, Хадсон, беше пронајден мртов на Хаваите во 2022 година. Причината за смртта беше прострелна рана во главата.

ФОТО | Се самоубил синот на холивудскиот актер: Пронајден e со прострелна рана на главата