Актерот Александар Вествуд (24), познат по улогата во хит серијата на Нетфликс, „Сексуално образование“, е прогласен за виновен за десетици случаи на злоупотреба, пишува „Дејли стар“.

Пресудата беше донесена во вторникот по сослушувањето во Крунскиот суд во Вулверхемптон. Вествуд беше прогласен за виновен по 26 точки од обвинението за злоупотреба на жени и деца и ќе биде осуден во февруари.

Според сведочењето, Вествуд ги принудувал оние што ги посетувале неговите часови по драма да ги читаат делата на Шекспир голи пред други. Покрај тоа, тој наводно се соблекол на сцената, а се тврди дека снимил и една од студентките со својот „ајпад“.

Наводно неколку пати сексуално ја злоставувал споменатата девојка. Кога престанала да посетува часови по глума, тој на нејзиното семејство му испратил сметка од 18.000 фунти.

Претходно за време на судењето беше наведено дека Вествуд силувал тинејџерка, како и дека во неколку наврати малтретирал момче и девојка.

Првиот таков случај се случил, тврдат тие, кога актерот имал 10 години, што е најраната возраст на која детето може да биде осудено за кривично дело во Велика Британија.

„Александар Вествуд е актер. Тој е мајсторски манипулатор. Сите овие наводи имаат заедничка нишка, што е несоодветно допирање и грабливо однесување“, изјавил обвинителот Ендрју Валас пред судот.

Вествуд ја има една од неговите најпознати улоги во претходно споменатата серија на Нетфликс, каде што се појави во 17 епизоди. Покрај тоа, тој глумеше во серијата „Доктори“ на Би-Би-Си и во филмот „Градот на ангелите“, како и во неколку кратки филмови.