Ѕверката од „Сексот и градот“ се „дави“ во алкохол: Потребна му е помош, апелираат пријателите
Во јавноста истапија четири жени кои го обвинуваат актерот Крис Нот (55), најпознат по улогата на Ѕверката од „Сексот и градот“, за сексуално вознемирување.
Препорачано
-
1
-
2
-
3
Неговите колешки од серијата – Сара Џесика Паркер, Синтија Никсон и Кристин Дејвис се шокирани поради тие обвиненија и застанаа на страната на жртвите, но неговите блиски пријатели се загрижени за психичката состојба на актерот.
Пријателите на Крис Нот се загрижени за него поради неговиот алкохолизам, дополнително поттикнат поради скандалот со сексуалната злоупотреба.
„Крис искрено се чувствува како неговиот живот да е готов. Мислам дека пијанството одигра голема улога во неговите проблеми. Сè си зема данок. Неговите пријатели би сакале да добие помош“, рекол извор за порталот „Пејџ сикс“.
Актерот никогаш не бил пијан на сетот.
Последна која ја раскажала својата приказна e кантавторката Лиза Џентиле, која рекла дека актерот насилно ја бакнувал и ја допирал по градите во нејзиниот стан во Њујорк.
Таа тврди дека инцидентот се случил откако го запознала актерот во ресторан во центарот на Менхетн, каде што уште една жена тврдела дека Нот ја нападнал.
View this post on Instagram
Крис Нот сите обвиненија ги негираше.
– Овие приказни можеле да бидат стари 30 години или 30 дена, но „не“ секогаш значи „не“, а тоа е границата што не сум ја преминал. Средбите беа спогодбени. Тешко е да не се доведе во прашање времето на објавување на овие приказни. Не знам со сигурност зошто сега се појавуваат, но сигурно знам дека не ги нападнав тие жени – изјавил Нот.
Нот веќе претрпе големи деловни загуби. Исфрлен е од серијата „The Equalizer“, а оваа недела е објавено дека е отстранет од претстојното финале на серијата „And Just Like That…“.
Голем рез… на Мр. Биг: Последната сцена на Крис Нот елиминирана од епизодата во „And Just Like That“
