Џон Леџенд (46) го откри рецептот за долготраен брак. Имено, музичарот и неговата сопруга Криси Тајген (39) се познати како еден од најхармоничните парови во светот, а „Пипл“ пренесува како тие успеале да го одржат бракот цели 12 години.

– Мислам дека родителството ве принудува да пораснете и да ги промените вашите приоритети. Но, со целата радост што ја доживеавме заедно, имавме и трагедии и предизвици – започна Џон.

– Мислам дека сето тоа помага да се зајакне врската затоа што знаете дека можете да надминете сè со вашиот партнер. Тоа е навистина приказната за нашата врска. Растевме заедно и поминавме низ сите подеми и падови – продолжи Леџенд.

– Нешто смешно се случи за време на нашите завети. Чичкото на Џон ја водеше свадбата, а јас го испуштив прстенот. Секако, реков: „О, срање“ во микрофонот и тој беше малку изненаден. Тој само рече: „Тоа е Криси“, се присети Криси.

Таа исто така призна дека жали за нивниот прв танц кога Стиви Вондер им ја отпеа „Ribbon in the Sky“.

– Всушност не танцував затоа што сум премногу нервозна да танцувам пред луѓе. Тоа е повеќе жалење отколку скапоцено сеќавање, што всушност немавме прв танц – коментираше Тејген.

Патем, Џон и Криси неодамна ја прославија својата 12-годишнина многу скромно, што е сосема спротивно на нивната деветта годишнина, која ја одбележаа со обновување на своите завети на езерото Комо во Италија, каде што го кажаа своето судбоносно „Да“ во 2013 година. Двојката има и четири деца во бракот, Луна Симоне (9), Ести Максим (2) и синовите Мајлс Теодор (7) и Рен Александар (2).