Актерката Џенифер Лоренс (34) е бремена со своето второ дете, потврди нејзиниот портпарол за „Вог“. Лоренс и нејзиниот сопруг Кук Марони се родители на двегодишниот син Сај, а се венчаа во 2019 година на Род Ајленд.

Актерката беше видена на вечера во Лос Анџелес облечена во маица со кратки ракави и џемпер, а нејзината модна комбинација едвај навестуваше дека е бремена.

Инаку, заедно со веста за нејзината бременост, Лоренс моментално ја чекаат важни чекори и во кариерата. Документарецот „Зуравски против Тексас“ за неколку дена ќе ја има својата премиера во Њујорк, Лос Анџелес и Сан Антонио. Станува збор за филм кој се занимава со строгите закони против абортусот во Тексас, а Лоренс се најде во улога на продуцент, заедно со Хилари Клинтон.

Уште еден филм на кој работеше Лоренс, „Леб и рози“, исто така документарен филм, кој се занимава со животите на жените во Кабул, во кој владеат талибанците, почнува да се прикажува на „Епл тв“ веќе следниот месец. Актерката беше и зад камерата за тој филм како копродуцент.

Досега Лоренс е најпозната по нејзините актерски улоги, во филмот за кој доби Оскар  „Во добро и во лошо“, а доживеа голема слава кога ја играше Кетнис Евердин во „Игри на гладта“. Лоренс сега ја истражува кариерата и пред и зад камерата, со посебен фокус на документарните филмови кои се занимаваат со женски прашања и пошироки општествени прашања, продуцирани од нејзината компанија.

ФОТО | Џенифер Лоренс облече апостолки на црвениот тепих на Канскиот филмски фестивал