Филмската легенда Џеки Чен откри како хит-филмот од 1984 година го инспирирал да не се откажува од своите соништа и зошто не планира да се пензионира дури ни на 71 година.

Сега Џеки Чен се враќа на големото платно како кунг-фу мајсторот господин Хан во новиот филм „Карате кид: Легенди“.

Во емотивно интервју за „Екстра“, Чен откри дека токму оригиналниот „Карате кид“ од 1984 година го охрабрил да не се откаже кога му било најтешко.

-Оваа година прославувам 64 години во филмската индустрија. Се сеќавам кога работев како каскадер. Тогаш акционите филмови веќе не беа популарни. Не знаевме што понатаму. Бев спремен да се откажам. Но, потоа дојде „Карате кид“. Отидов во кино со моите пријатели, купивме билети и го гледавме. Кога го видов, почувствував енергија и позитивна порака. Помислив: „Не смеам да се откажам. Животот ме собори, но повторно ќе се подигнам.“

Потоа Чен ги обновил своите тренинзи, а наскоро бил дополнително мотивиран од легендарниот филм „Роки“, со Силвестер Сталоне.

-Го гледав Роки, ја слушнав песната „Eye of the Tiger“ и одеднаш бев полн со енергија и мотивација.

Додека тренирал во доџо салата, му пришол еден режисер и му кажал нешто што му го променило животот:

– Ми рече: „Треба да бидеш актер“. За среќа, не се откажав. Продолжив да тренирам. Тоа ми го разубави денот. И животот.“

Чен вели дека не планира да забави, иако има 71 година.

„Секако дека сè уште ги правам сите каскадерски движења сам. Тоа е дел од мојот идентитет. Тоа нема да се промени додека не се пензионирам – а тоа никогаш нема да се случи!“

Денес, по повеќе од шест децении кариера, тој тврди дека повеќе не му е потребен физички тренинг.

„Кога го правиш тоа 64 години, веќе не мора да се подготвуваш. Сè доаѓа од срцето и од душата. Тоа е чиста мускулна меморија.“