Полицијата изврши увид на направената штета во Собранието, по вчерашниот инцидент што го предизвикаа пратениците на Левица за време на амандманската расправа.

Претседателот на Собранието Талат Џафери соопшти дека натаму постапката треба да ја води обвинителството, или по пријава од полицијата или по допрен глас од она што се гледа дека се случувало на седницата од која има директен пренос како на Собранискиот канал така и преку веб – страницата на Парламентот.

ВИДЕО: Хаос во Собранието, пратеници на Левица скршија компјутер и телефонот, фрлаа со амандмани кон Мисовски

За тоа колкава материјална штета е направена дополнително ќе биде соопштено, истакна тој и потенцираше дека ќе треба да биде надокнадена од пратеникот Борислав Крмов од Левица, кој го искрши мониторот и друг инвентар на претседавачката маса во Пленарната сала.

– Ако некој од вработените направи штета на работа, тој го плаќа трошокот, изјави Џафери за МИА и додаде дека така ќе биде и во овој случај.

Поради неможноста пленарните седници да се одржуваат во Салата за седници од денеска до санирање на штетата тие ќе се одржуваат во Големата сала со купола, вклучувајќи го и обраќањето на генералниот секретар на НАТО Јенс Столтенберг.

ВИДЕО: Продолжуваат тензиите во македонското Собрание, Левица бара седницата да се прекине

Пратениците на Левица вчера предизвикаа инцидент за време на амандманската расправа за новиот Деловник за работа на Собранието. Борислав Крмов искрши дел од инвентарот вклучувајќи и монитор од претседавачката маса и се расфрлаше со листови од амандманите, а потоа нему му се придружи и Димитар Апасиев.

По инцидентот во Собранието, СДСМ очекува обвинителството да поднесе кривични пријави за Левица

ВМРО-ДПМНЕ за инцидентите од Левица: Коалицијата меѓу СДС, ДУИ и Левица од денеска почна да функционира и во Собранието

Изгласан новиот Деловник, по инцидентите Крмов и Апасиев гласаа против