Двократната шампионка Петра Квитова (35) загуби од Ема Наваро од САД со 6:3 и 6:1 во првото коло на грен слем турнирот Вимблдон.

Но, и покрај тоа, чешката тенисерка Квитоа беше во центарот на вниманието по овој меч, бидејќи се збогуваше со Вимблдон и има намера да посвети повеќе време на своето семејство.

– Честитки Ема. Жал ми е што не можевме да играме подолго. Ова место има најубави спомени што би можела да ги посакам. Среќна сум што можев повторно да играм на ова посебно место.

Никогаш не сонував дека ќе го освојам Вимблдон, а го освоив двапати. Ќе ми недостига Вимблдон, ќе ми недостига тенисот. Но, подготвена сум за следното поглавје во мојот живот. Дефинитивно ќе се вратам тука како член на клубот – рече Квитова.

Квитоа го освои Вимблдон во 2011 и 2014 година и заработи над 37 милиони долари само од тенисот.