Албанскиот јазик беше „службен јазик“ на Годишната конференција на тема „Предизвикот на компаниите од РСМ во обезбедувањето на работна сила во период на глобализација и дигитализација“ организирана од Стопанската комора на Северо – западна Македонија (СКЗМ.)

Превод на македонски беше обезбеден, но само ако се побараат слушалки. На настанот присуствуваше и вицепремиерот Фатмир Битиќи, но и тој не ги поздрави присутните на македонски јазик.

Настанот, на албански јазик го отвори Менди Ќура, претседател на Стопанската комора на Северозападна Македонија. Панелисти беа: Азир Алиу, министер за информатичко општество и јавна администрација, Беким Мурати директор на Агенцијата за вработување, Норик Селими од „Мотиви“ при СКЗМ и Анета Антова Пешева, претседателка на Стопанска комора за информатички и комуникациски технологии – МАСИТ која единствено зборуваше на македонски јазик.

Конференцијата, покрај медиумите, ја следеа и универзитетски професори и претставници на компаниите.