Октомвриската супермесечина е најблиску до Земјата оваа година и утре ќе ја достигне својата целосна лунарна фаза, а ќе се појави во пар со ретката комета, што ќе обезбеди ретка можност за сите оние кои сакаат да ги набљудуваат ѕвездите и универзумот, објави НАСА.

Третата од четирите супермесечини оваа година, ќе биде оддалечена 357.364 километри во средата навечер, што ќе направи да изгледа уште поголемо и посветло отколку оние во август и септември, пишува „АП“.

Во пресврт на космичката судбина и ретката комета е видлива на небото овој период. Откриена минатата година, кометата „Цучиншан-Атлас“ сега е истакната на северната хемисфера откако ги воодушеви гледачите на ѕвездите на јужната хемисфера.

„Светлината од супермесечината ќе ја попречи видливоста на дел од опашката на кометата, но глетката сепак ќе вреди да се гледа по зајдисонце. Сепак, повеќето астрономи ја мразат полната месечина бидејќи нејзината силна светлина го отежнува набљудувањето на другите космички објекти“, изјавил Бил Кук од НАСА.

Не грижете се ако ја пропуштите супермесечината во четврток, бидејќи четвртата и последна супермесечина во годината ќе се појави на 15 ноември.

Феномен на небото овој октомври: Комета последен пат видена во камено доба ќе се приближи до Земјата