Дрво паднато на патот го прекина сообраќајот меѓу Битола и Меџитлија
АМСМ информира дека од 19:30 часот, сообраќајот на Граниочниот премин „Меџитлија“ е во прекин во двете насоки поради паднато дрво.
Во вонредниот извештај на АМСМ нема дополнителни информации.
Според сведоштва на наши читатели, прекинот на сообраќајот на патот предизвикал голема гужва од возачи кои се движеле од и кон граничниот премин.
„Интензитетот на сообраќај на патните правци надвор од градските средини е умерен. На ГП Табановце времето на чекање за влез во државата е околу 40-60 минути, а на ГП Богородица за влез и за излез се чека околу 30 минути. На граничните премини, од македонска страна, нема подолги задржувања за влез и излез од државата“, стои во извештајот на АМСМ.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.