Дрес на Коби Брајант продаден за седум милиони долари
Дрес кој го носеше поранешниот НБА кошаркар Коби Брајант за предсезонските и дебито во регуларната сезона настапувајќи за Лос Анџелес лејкерс беше продаден за седум милиони долари на аукција во „Сотбис“ во Њујорк, САД, во четвртокот, соопшти аукциската куќа.
Препорачано
Дресот беше координиран со фотографии од седум натпревари од неговата дебитантска сезона во 1996-97, вклучувајќи го неговото деби во предсезоната на 16 октомври и дебито во регуларната сезона на 3 ноември 1996 година, како и неговиот ден за медиумите во НБА.
Со цена од седум милиони долари, овој дрес е четвртиот најскап носен спортски дрес во историјата, веднаш зад познатиот дрес на Бејб Рут (24 милиони долари), дресот на Мајкл Џордан од финалето на НБА во 1998 година (10,1 милион долари) и дресот на Диего Марадона од Светското првенство во 1986 година, кој беше продаден за 9,3 милиони долари.
Петкратниот шампион во НБА, Брајант, почина на 41-годишна возраст во хеликоптерска несреќа во јануари 2020 година, во несреќа во која загинаа и неговата ќерка Џиана и уште седум други лица.
