Во вторник, 28 јануари 2025 година, во основното училиште Анастрабе во Келн, осумгодишен ученик пронашол нешто неверојатно додека копал во градината. Момчето прво видело банкнота од 50 евра во земјата, но она што следело ги оставило сите во шок.

Откако ја пронашол првата банкнота, љубопитното момче продолжило да копа и набрзо извадил туце пари во вредност од 15.000 евра! Веднаш го известил училишното обезбедување, а набрзо пристигнала и полиција, пренесува „Билд“.

„Парите се закопани во жардинери и покриени со земја. Постои можност ова да е дел од криминално дело“, изјавил портпаролот на полицијата Кристоф Жил.

Истрагата е во тек, но засега нема индиции кои би го откриле сопственикот или би укажале на одредено кривично дело. Затоа, парите биле привремено депонирани во Канцеларијата за изгубено и пронајдено.

„Изгледа дека некој случајно ја изгубил оваа сума“, додаде Жил.

Според германските закони, доколку сопственикот на парите не се појави во следните шест месеци, осумгодишното момче може да ја побара законската награда за пронајдокот.

Останува да видиме дали ќе се појави сопственикот на парите или детето ќе добие неочекувана награда!