Кошаркарската репрезентација на Словенија обезбеди пласман во четвртфиналето на Европското првенство откако со 88:72 ја совлада Белгија, а најзаслужен за триумфот беше Лука Дончиќ.

Кошаркарот на Далас постигна 35 поени и тоа беше трет натпревар по ред на кој дава најмалку 30 поени на ЕП, постигнување што на никого не му успеало во последните три децении.

– Белгија одигра одлично, знаевме дека ќе биде тешко. Не беше лесен натпревар, иако можеби многумина мислеа дека ќе биде. Физички тие се многу силни, одиграа навистина добро, посебно беа добри во нападот. Малку забрзавме и победивме, но не беше лесно – рече Дончиќ.

Критики имаше и за Дончиќ, тој се најде на удар на јавноста најмногу поради наводните информации дека ја тужел сопствената мајка.

– Доколку се грижев за тоа што зборуваат луѓето, немаше да бидам тука. Тоа е навистина неважно – рече Дончиќ.

Словенија во четврт-финалето ќе игра со подобриот од утрешниот дуел меѓу Украина и Полска.