Овој сируп е мошне здрав и наменет за луѓето кои имаат лоша крвна слика. По два месеца консумирање на овој сируп значително ќе ги подобрите вредностите.

Состојки:

– 1 кг цвекло
– 1/2 кг моркови
– 3 помали портокали или само 2 ако се големи (во помалите има повеќе сок)
– 1/2 кг кисели јаболка
– 1 лимон
– 500 г домашен мед

Подготовка:

Цвеклото, морковот и јаболката се лупат и сечкаат на помали парчиња па се цедат во соковник. Ги цедите посебно лимонот и портокалите и ги додавате во сокот од соковникот, па додавате мед (најдобро липов, багремов или ливадски). Сè повремено мешате со цел медот да се раствори во сокот.

Сирупот се префрла во стаклени садови. Се добива околу литар ипол до два литри сируп. Сирупот пијте го секое утро на празен желудник околу 1 децилитар разблажен со вода бидејќи вака е многу благ. Вкусен е, многу хранлив и здрав.