Воздушест, домашен леб со крцкава кора е совршен за појадок со различни намази, а далеку повкусен од оној од пекарница.

Ако не сте вешти во месењето тесто, овој рецепт особено ќе ви се допадне. Нема да се испотите додека го приготвувате тестото, а финалниот производ ќе ги воодушеви сите членови на семејството.

Состојки:

– 500 грама брашно

– 500 милилитри вода

– Една кафена лажица сол

– 1 кафена лажица шеќер

– Една ќесичка сув квасец

Подготовка:

Во сад со млака вода ставете го квасецот, додајте малку брашно и лажичка шеќер, па изматете ја смесата и оставете пет минути за квасецот да се активира.

Потоа, во поголем сад додајте го брашното, па активираниот квасец и лажичка сол, па сè добро измешајте со виљушка.

Тестото ќе биде многу ретко, но тоа нека не ве загрижува – така и треба да изгледа во таа фаза. Покријте го садот со крпа и оставете го тестото да надојде час и половина.

Кога ќе видите дека тестото се удвоило, уште еднаш помешајте го со виљушка и оставете да отстои уште еден час. Толку е потребно за во тестото да се создадат дупчиња.

Садот во кој ќе го печете лебот ставете го во рерна добро да се згрее, па внимателно извадете го, однатре обложете го со хартија за печење и додајте го тестото, па засечете. Поклопете го садот, ставете го во рерна и печете го лебот така поклопен половина час на 220 степени.

Потоа тргнете го капакот и намалете ја температурата на рерната на 200 степени, па печете додека лебот не добие кора.