Околу 200 килограми цреши од врвен квалитет во вредност од еден милион јени (околу 7.000 долари) се украдени од овоштарник во североисточна Јапонија, соопшти полицијата во префектурата Јамагата.

Од 67-те цреши во овоштарникот во Каминојама, префектурата Јамагата, според полицијата, само дрвјата од популарната сорта Сато Нишики, од кои имало околу 50, биле целосно набрани, објавува „Кјодо“.

Сопственикот на овоштарникот ја забележал кражбата во недела околу 5 часот наутро, а подоцна попладнето ја повикал полицијата. Тој изјавил дека не забележал ништо кога последен пат ги проверил дрвјата во петок околу пладне.

Инаку, префектурата Јамагата е најголемиот производител на цреши во Јапонија, но минатата година забележала рекордно слаба жетва поради екстремната топлина.

Ова овошје најчесто се дава како подарок и често се служи во врвни ресторани.