Димитровски: Ќе пробаме да го оствариме најголемиот успех од постоењето на КК Кожув
Гевгелија ќе биде домаќин на завршниот турнир од кошаркарскиот Куп на Македонија „Благоја Георгиевски-Буштур“.
Препорачано
Претседателот на кошаркарскиот клуб Кожув, Александар Димитровски им посака на сите учесници успешни игри во Гевгелија со една цел, да го освојат трофејот наменет за најдобриот во ова најмасовно клупско натпреварување.
– Почитувани гости, претставници на клубовите учесници на завршниот турнир од Купот на Македонија „Благоја Георгиевски-Буштур“, на федерацијата, новинарски екипи…Во оваа прилика сакам да ви изразам едно големо „добредојде“ овде, во Гевгелија, во градот за кој велат дека има најмногу сончеви денови во нашата Македонија.
Во улога на домаќин, како организатори на еден ваков голем, убав настан, да ви посакам успешни игри на сите кои дојдовте тука, веројатно со една цел, да го освоите трофејот наменет за најдобриот во ова најмасовно клупско натпреваруавње кај нас.
Една од тие желби е и нашата, на КК „Кожув“ од Гевгелија. Мислам дека, а и досегашниот тек на настаните во шампионатот го потврдува тоа, овие три дена во Гевгелија ќе бидеме сведоци на доста неизвесни натпревари, како во машка, така и во женска конкуренција.
Ние, со подршка на општината Гевгелија и Градоначалникот Андон Сарамандов, ќе се потрудиме да бидеме добри домаќини, но во исто време, и ќе пробаме да го оствариме најголемиот успех од постоењето на Кошаркарскиот клуб „Кожув“, и не би имал ништо против тоа, овој трофеј да остане тука и во наредните 365 дена – рече Александар Димитровски, претседателот на КК Кожув од Гевгелија.
Гевгелија е подготвена за овогодишниот Куп „Благоја Георгиевски – Буштур“
