Македонскиот интернационалец Дарко Димитриевски имаше денеска нова одлична партија во дресот на Синфин во најсилното шпанско првенство.

Неговиот клуб славеше со резултат 31:29 против тимот на Адемар Леон, а најзаслужен за триумфот беше токму нашиот бек со седум погодоци.

Го следеше поранешниот член на Еурофарм Пелистер, Владислав Остроушко кој петпати се запиша во листата на стрелците.

На табелата во „АСОБАЛ“ лигата Синфин е на 12 место со 18 бодови, а Адемар е на седмата позиција со 32.

Следниот ривал во шампионатот на Димитриевски ќе биде второпласираната во генералниот пласман, Бидасоа Ирун.