Девојчето што ја пееше „Let it go“ во военото засолниште, сега е на сигурно во Полска
Малечкото девојче од Украина, Амелија Анисович, која во воено засолниште безгрижно ја пееше „Let it go“ од цртаниот филм „Frozen“, успеала да ја напушти Украина.
Препорачано
Седумгодишното девојче привлече вирално внимание и стана хит на интернет, кога беше снимена како ја пее песничката од Дизниевиот цртан филм „Frozen“, среде руската инвазија на Украинa. По шест дена во бункер, Амелија и нејзиниот постар брат Миша, стигнале во Полска со својата баба, додека нивните родители останаа да готват за војничките сили кои се грижат за главниот град во судирите, пренесува „The Sun“
Кога видеото стана хит по социјалните мрежи, мајката на Амелија, Лила изјави:
„Отсекогаш знаев дека таа е талентирано дете, но сега тоа го знае целиот свет. Трагедијата е што таа е ѕвезда само поради толку многу смрт и разорувачка енергија насекаде“.
Видеото со Амелија покажува што мора да доживуваат украинските деца, но и сите деца бегалци и дека војната мора да запре, затоа што секое дете заслужува да пее во мир!
