Денеска се празнува Светиот великомаченик Димитриј. Свети Димитриј Солунски својот живот го завршил во затвор, а во спомен на тој ден и на неговите страдања, христијаните го празнуваат овој празник.

Големиот христијански светец Димитриј го слават Македонците, Србите, Црногорците, Грците и Русите.

Периодот на владеење на римскиот император Максимилијан било турбулентно време за христијаните. Тој издал наредба да се прогонуваат Христовите следбеници, а еден од оние што требало да ја изврши наредбата бил Димитриј од Солун.

Наместо да го послуша императорот, тој одлучил јавно да ја проповеда христијанската вера, а кога веста за тоа стигнала сè до Рим, пристигнала наредбата солунскиот командант да биде фрлен во затвор и измачуван, по што бил погубен како пример за сите оние коишто се спротивставиле на зборовите на царот.

Христијаните скришно го погребале неговото тело, а по извесно време изградиле црква над неговиот гроб, а Димитриј го прогласиле за светец и заштитник на градот Солун. Во спомен на тие настани, верниците го слават Свети Димитриј Солунски секој 8 ноември, додека народот и денес применува бројни обичаи поврзани со празникот.

Митровдан е празник кој се паѓа на почетокот на ноември, па затоа постои народно верување дека во пресрет на празникот мора да се завршат сите големи активноста на полињата или некоја друга активност што бара работа на отворено. И затоа, на тој ден треба сите да бидат дома, за во остатокот на годината не талкаат и поминуваат повеќе време надвор отколку што е потребно. На тој ден треба да останете дома, бидејќи, во спротивно, цела година ќе бидете надвор и ќе преноќувате во туѓи куќи. Ова не важи за оние кои слават или одат да слават со роднини или блиски пријатели, но подобро е да преноќат во својот дом.

Ако на овој ден децата се палави, народните обичаи налагаат да не треба да ги карате, доколку тој што го прави тоа, не сака да бидат такви во текот на целата година.

Исто така се верува дека ако тој ден е сончев и убав, цела зима би требало да биде блага. Но, ако падне снег, тој ќе се задржи до април. Ако падне снег на Митровден, се вели дека Свети Димитриј дошол на бел коњ, ако е облачно, нè чека топла зима. Ако паѓа дожд, нè очекува долга и ладна зима со многу снег, според народните верувања.

Сепак, постои верување дека од тој момент зимата е непредвидлива и може да ги изненади и најстарите.