Покрај сениорската репрезентација која ќе гостува во Белгија во рамките од квалификациите за Светското првенство, денеска натпревар ќе има и младинската селекција на Македонија која ќе се соочи со Ерменија во Битола.

Избраниците на Горан Станиќ ќе водат битка во квалификациите за Европското првенство, а во овој циклус ја бараме и првата победа. Претходно загубивме од Италија и Полска во натпревари во кои не постигнавме гол и примивме четири.

Ерменците исто така имаа лош старт и беа поразени од Шведска и Полска, поради полошата гол-разлка тие се посленди на табелата.

„Не очекуваат два тешки натпревари против Ерменија и Црна Гора. Максимално сме фокусирани и подготвени за претстојните предизвици. Се надевам дека ќе ги исполниме сите барања на селекторот и стручниот штаб и ќе оствариме позитивен резултат. На претходните два квалификациски меча, и покрај поразите, мислам дека не одигравме лошо. Имавме добри моменти и создадовме неколку сериозни прилики за погодок, но ни недостигаше повеќе концентрација во завршницата. Свесни сме каде погрешивме и верувам дека ќе ги поправиме грешките на следните натпревари“, изјави фудбалерот од средниот ред Теодор Николовски.

Натпреварот во Битола е закажан за во терминот од 17:00 часот.

Презеемено од: Спорт.ком.мк

ВИДЕО | Македонските фудбалери им свртеа грб на судиите и ја пееја химната заедно со навивачите пред 31 година, во Брисел