Деклан Рајс и официјално е нов фудбалер на Арсенал, и воедно стана најскапо платен англиски фудбалер во историјата.

Арсенал му плати на Вест хем надомест од 120 милиони евра и така го направи играчот од средниот ред најскапо засилување во Премиер лигата.

Рајс поголемиот дел од својата младинска кариера ја помина во дресот на „чеканите“, пред тоа играше за помладите категории на Челси, а потоа во сениорскиот фудбал играше само за Вест хем со кој минатата сезона ја освои Конференциската лига.

Арсенал како никогаш до сега троши пари на засилувања ова лето, односно на три засилувања плати 230 милиони евра.

Досега пристигнаа Јуриен Тимбер од Ајакс за 40.000.000 евра и Каи Хаверц од Челси за 70.000.000 евра.